Məktəbəqədər yaşlı serebral iflicli uşaqların loqopedik müayinəsinin təşkili
Xülasə
Məktəbəqədər yaşlı serebral iflicli uşaqların loqopedik müayinəsi iki mərhələdə aparılır: I mərhələ hazırlıq mərhələsi adlanır. II mərhələ isə kompleks müayinə mərhələsidir. I mərhələdə loqoped uşağın valideynləri və onunla əvvəllər məşğul olan şəxslərlə söhbət apararaq, tibbi, pedaqoji sənədlərlə tanış olur, uşağın yaşı, serebral iflic diaqnozunun qoyulma zamanı və yanaşı diaqnozların olub- olmaması haqqında geniş məlumatlar toplayır. Nitqin, psixi funksiyaların, hərəkət sahəsinin inkişaf xüsusiyyətlərinin, müxtəlif analizator sistemlərinin fəaliyyətinin hərtərəfli kompleks müayinəsi loqopedə nitq inkişafındakı çatışmazlıqlara obyektiv qiymət verməyə və onların korreksiyası yollarını müəyyənləşdirməyə imkan verir.